ԵՐԵՎԱՆ, 23 ապրիլի — Sputnik. 1915 թվականի ապրիլի 23-ին և 24-ին Հայաստանի տարածքը գտնվել է հզոր ցիկլոնի ազդեցության գոտում: Տեղացել են հորդառատ անձրևներ, որոնք շարունակվել են մինչև ապրիլի վերջ, այս մասին իր ֆեյսբուքյան էջում գրել է Հիդրոմետ ծառայության օդերևութաբանութան կենտրոնի պետի տեղակալ Գագիկ Սուրենյանը։
Նա հիմնվել է համաշխարհային օդերևութաբանական կազմակերպության կողմից վերականգնված սինօպտիկական քարտեզների վրա։
XIX դարի վերջի XX դարի սկզբին Օսմանյան կայսրությունում ավելի քան 1.5 մլն հայ սպանվեց։ Թուրքիան ավանդաբար մերժում է հայերի մեղադրանքները ցեղասպանության իրագործման հարցում և այս հարցի վերաբերյալ քննադատությունն արևմուտքի կողմից բավական ցավագին է ընդունում։
Առաջինը Օսմանյան կայսրությունում Հայոց ցեղասպանությունը 1965 թվականին ճանաչեց Ուրուգվայը, որի օրինակին հետևեցին Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։
ԱՄՆ 50 նահանգներից 44-ը պաշտոնապես ճանաչել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։
