ԵՐԵՎԱՆ, 21 ապրիլի — Sputnik. Բուլղարիայի մայրաքաղաք Սոֆիայում անցկացված նետաձգության Եվրոպայի Գրան պրիի 1-ին փուլում Հայաստանի տղամարդկանց ընտրանին գրավել է 3-րդ տեղը՝ շրջանցելով Թուրքիայի հավաքականին, հայտնում է ՀԱՕԿ լրատվության բաժինը։:
Տղամարդկանց թիմային պայքարում (94 նետաձիգ) հայ նետաձիգներ Վասիլ Շահնազարյանը, Գևորգ Հազարումյանը և Արամայիս Ապրեսյանը, 3-4-րդ տեղերի համար պայքարում հաղթելով Թուրքիայի ներկայացուցիչներին, արժանացել են բրոնզե մեդալների:
Մրցաշարին մասնակցել է 17 պետությունից 157 նետաձիգ: Գրան պրիին մասնակցել է նաև Նունե Վասիլյանը, ով 63 աղջիկների մեջ զբաղեցրել է 17-րդ հորիզոնականը:
Գրան պրին կայացել է ապրիլի 10-17-ը:
