ԵՐԵՎԱՆ, 20 ապրիլի — Sputnik. Հարավային Կորեայի մասնագետները սմարթֆոնների հետ են կապել երեխաների շլության զարգացումը: Այս մասին հայտնում է Yonhap-ը։
Նրանց անցկացրած հետազոտությանը մասնակցել է 7-16 տարեկան 12 երեխա, որոնց մոտ շլություն է եղել։
Շլությունը մեկ աչքի շեղումն է ընդհանուր ֆիքսման կետից, որն ուղեկցվում է բինօկուլյար տեսողության խանգարմամբ։ Ուսումնասիրությունը ցույց է տվել, որ հետազոտությանը մասնակցած երեխաներն օրական 4-6 ժամ զբաղվում են սմարթֆոնով, իսկ այդ ընթացքում աչքերի ու սարքի էկրանի հեռավորությունը 20-30 սանտիմետր է կազմում:
Բժիշկները որոշել են փորձարկում կատարել։ Նրանք բուժման ընթացքում երեխաներին արգելել են օգտվել սմարթֆոններից: Երկու ամիս անց 12-ից 9-ը կարողացել է հաղթահարել այդ խնդիրն ու ամբողջությամբ վերացնել շլությունը: Մասնագետների կարծիքով` տեսողական խնդիրներից խուսափելու համար պետք բջջային սարքերից օգտվել 30 րոպե, այնուհետև դադար տալ: Սա հատկապես վերաբերում է երեխաներին. Շլությունը սովորաբար առաջանում է մինչև հինգ տարեկան երեխաների մոտ: Ասիայում այս հիվանդությունն ավելի հազվադեպ է հանդիպում, քան Եվրոպայում:
