ԵՐԵՎԱՆ, 20 ապրիլի- Sputnik. ԱՄՆ-ի ֆինանսների նախարար Ջեյկոբ Լյուն չորեքշաբթի կհայտարարի 5, 10 և 20-դոլարանոց թղթադրամների դիզայնում նախատեսվող փոփոխությունների մասին, հայտնում է ՌԻԱ Նովոստին` հղում անելով Politico-ին։
XIX դարում ստրուկների ազատագրման համար պայքարող Հարիեթ Թաբմենը կդառնա առաջին աֆրոամերիկուհին, որի պատկերը կտպագրվի ամերիկյան թղթադրամի վրա. 20-դոլարանոց թղթադրամի վրա նա «կփոխարինի» ԱՄՆ-ի 7-րդ նախագահ Էնդրյու Ջեքսոնին։
Միաժամանակ, ֆինանսների նախարարությունը կհրաժարվի 10-դոլարանոց թղթադրամի վրայից Ալեքսանդր Համիլթոնի դիմանկարը հեռացնելու մասին աղմուկ բարձրացրած ծրագրից։ Համիլթոնը եղել է ԱՄՆ ֆինանսների առաջին նախարարը։ Փոխարենը $10 թղթադրամի դարձերեսին կհայտնվեն կանանց քաղաքացիական իրավունքների շարժման ակտիվիստների դիմանկարները։ ХХ դարի քաղաքացիական իրավունքի համար պայքարի հասարակական առաջնորդները կհայտնվեն 5-դոլարանոց թղթադրամի դարձերեսին։
