ԵՐԵՎԱՆ, 20 ապրիլի- Sputnik. Սաուդյան Արաբիայի աշխատանքի նախարարությունը թույլ է տվել կանանց աշխատել երեկոյան ժամերին միայն ընտանեկան այցելությունների համար նախատեսված ռեստորաններում, ընտանեկան ժամանցի կենտրոններում, ինչպես նաև կանանց համար նախատեսված ապրանքների խանութներում` որպես դրամարկղի աշխատող, հայտնում է ՌԻԱ Նովոստին`հղում անելով արաբական «Ալ Իկտիսադիա» թերթին։
Այն նշել է, որ կանանց համար սահմանված արգելքը չի նշանակում, որ իշխանություններն ընդհանրապես թույլ չեն տալիս նրանց աշխատել և ինչ-որ զբաղմունք ունենալ։
«Նախարարությունն առաջնորդվում է այն հանգամանքով, որ կանայք իրենց էությանը համահունչ պայմաններով աշխատանք ունենան և միաժամանակ պաշտպանված լինեն նրանց իրավունքները»,- ասել է աշ Շահրին։
Նրա խոսքով` աշխատանքի նախարարությունը թույլ չի տալիս Սաուդյան Արաբիայում կանանց աշխատել` ելնելով անվտանգության նկատառումներից և նրանց առողջությունը պահպանելու անհրաժեշտությունից։
Կանայք Սաուդյան Արաբիայի աշխատունակ բնակչության 17 տոկոսն են կազմում։ Նրանց նկատմամբ գործում են կանոններ և սահմանափակումներ շարիաթի օրենքների հիման վրա, որի համաձայն` կանայք չեն կարող առանց ամուսնու կամ հարազատների ուղեկցության գտնվել հասարակական վայրերում, մեքենա վարել, շփվել ազգական չհանդիսացող տղամարդկանց հետ։
