ԵՐԵՎԱՆ, 20 ապրիլի — Sputnik. Ադրբեջանական կողմն ապրիլի 20-ին 16․00-ին, համաձայն Կարմիր խաչի միջազգային կոմիտեի և ԵԱՀԿ գործող նախագահի անձնական ներկայացուցչի գրասենյակի միջնորդությամբ Լեռնային Ղարաբաղի և Ադրբեջանի միջև ձեռք բերված պայմանավորվածությանը, Բաշ Քարվենդ բնակավայրի մոտակայքում ԼՂՀ-ին է հանձնել զոհված զինծառայողի մարմինը: Այս մասին հայտնում է ԼՂՀ ռազմագերիների, պատանդների և անհայտ կորածների հարցերով զբաղվող պետական հանձնաժողովը։
Պետական հանձնաժողովը զոհվածի անունը չի նշում։ Նրա ինքնությունը հաստատելու համար զինծառայողի մարմինը ցույց կտան հարազատներին։ Դրանից հետո մարմինը կուղարկվի փորձաքննության մահվան պատճառը պարզելու համար։
