ԵՐԵՎԱՆ, 19 ապրիլի — Sputnik. Ֆրանսիայի իրավապահ մարմինների կողմից հետախուզվող 52-ամյա Սոս Գալեչյանին ձերբակալել են «Զվարթնոց» օդանավակայանում, — հայտնում է ոստիկանության մամուլի ծառայությունը:
1964 թ. ծնված Սոս Գալեչյանի նկատմամբ ապրիլի 5-ից հետախուզում էր հայտարարված Ֆրանսիայի իրավապահ մարմինների կողմից` կազմակերպված հանցավոր խմբի կողմից անձին առևանգելու և փրկագին ստանալու նպատակով ազատությունից զրկելու մեղադրանքներով:
Ներկա պահին նա գտնվում է Երևանի ոստիկանության կալանավորների պահպանման հատուկ վայրում:
Գալեչյանին հայտնաբերելու մասին արդեն հայտնել են Հայաստանում Ինտերպոլի ազգային բյուրո:
