Հայ բռնցքամարտիկները վերադարձան Թուրքիայից

ԵՐԵՎԱՆ, 19 ապրիլի — Sputnik. Ապրիլի 18-ի ուշ գիշերը հավաքականը ժամանեց Երևան: Չնայած ուշ ժամին՝ օդանավակայանում հոծ բազմություն էր հավաքվել: Հայ բռնցքամարտիկներին դիմավորելու էր եկել նաև Հայաստանի ազգային օլիմպիական կոմիտեի գլխավոր քարտուղար Հրաչյա Ռոստոմյանը: Այս մասին հայտնում է կոմիտեի մամուլի ծառայությունը։

Մրցաշարի արծաթե մեդալակիրներ դարձան Արթուր Հովհաննիսյանը (49 կգ) և Նարեկ Աբգարյանը (52 կգ), լավագույն երրորդ տեղ զբաղեցրին 56 կգ քաշային Արամ Ավագյանը և 69 կգ քաշային Վլադիմիր Մարգարյանը: