ԵՐԵՎԱՆ, 18 ապրիլի — Sputnik. Sputnik.Կարծիք նախագծի անցկացրած հարցումը ցույց է տվել, որ Գերմանիայի բնակչության մեծ մասի (68%), Ֆրանսիայի (67%) և Մեծ Բրիտանիայի բնակչության գրեթե մեկ երկրորդի (46%) կարծիքով` ԶԼՄ-ների և իրենց երկրների իշխանությունների` փախստականների հանցագործությունների վերաբերյալ ներկայացրած տեղեկատվությունն անկողմնակալ չէ։ Տվյալները ստացվել են Populus և Ifop ընկերությունների անցկացրած հարցախույզի արդյունքներով։
Իրենց իշխանության և ԶԼՄ-ների հանդեպ վստահություն պակաս ունեն Ֆրանսիայի բնակիչները` ֆրանսիացիների ընդամենը 17%-ն է կարծում, որ փախստականների իրագործած հանցագործությունների վերաբերյալ իրենց ճիշտ և անկողմնակալ տեղեկատվություն են տրամադրում։ Գերմանիայում ԶԼՄ-ներին և իշխանություններին հավատացող բնակչության թիվն ավելի բարձր է (25%), Մեծ Բրիտանիայում` 36%։
Հարցման տվյալները ցույց են տվել, որ եվրոպացիների մեծ մասն այս հարցում ավելի իրազեկված է` Գերմանիայում միայն 7%-ը, Ֆրանսիայում 16%-ը, իսկ Մեծ Բրիտանիայում միայն 18%-ն են դժվարացել պատասխանել հարցին։
Մեծ Բրիտանիայում և Գերմանիայում հարցումն անցկացրել է Populus խոշորագույն հետազոտական ընկերությունը 2016 թվականի փետրվարի 3-4-ն ընկած ժամանակահատվածում։ Հարցմանը մասնակցել է 3556 քաղաքացի` Մեծ Բրիտանիայից (1047), Գերմանիայից (1010)։ Ֆրանսիայում հարցումն անցկացրել է IFop խոշորագույն հետազոտական ընկերությունը 2016 թվականի փետրվարի 3-5-ն ընկած ժամանակահատվածում։ Հարցմանը մասնակցել է 1499 քաղաքացի։ Ընտրանքն իրականացվել է ըստ հարցվածների սեռի, տարիքի, բնակության վայրի:
Հասարակական կարծիքի ուսումնասիրման միջազգային նախագիծը մեկնարկել է 2015 թվականի հունվարին։ Գործընկերն են Populus, Ifop և Forsa հայտնի հետազոտական ընկերությունները։ Sputnik.Կարծիք նախագծի շրջանակում կանոնավոր կերպով հասարակական կարծիքի հարցումներ են անցկացվում Եվրոպայի և ԱՄՆ-ի երկրներում առավել արդիական սոցիալական և քաղաքական հարցերի վերաբերյալ։
Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով:
