Էկվադորում տեղի ունեցած 7.8 մագնիտուդայով կործանիչ երկրաշարժի հետևանքով զոհվել է 272 մարդ։ Դիտեք, թե ինչպես են օգնում տուժածներին և վերացնում ավերածությունների հետևանքները
Էկվադորում երկրաշարժի հետևանքով զոհվածների թիվը հասել է 272-ի, հայտնում է ՌԻԱ Նովոստին` հղում անելով Ռոյթերս գործակալությանը, որը ներկայացնում է երկրի նախագահ Ռաֆայել Կորեայի հայտարարությունը։
Երկրի ողջ տարածքում արտակարգ դրություն է հայտարարվել։
«Զոհերի թիվը կավելանա և, հավանաբար, զգալիորեն», — ասել է Կորեան։
Էկվադորի նախագահը ժամանել է Մանթա քաղաք։ Աղետից տուժած Մանթա քաղաքում շարունակվում են փրկարարական աշխատանքները։
Ամենից շատ տուժել է Պեդերնալես քաղաքը, որտեղ փլուզվել է շենքերի 80%-ը։ Equinoccio ռադիոկայանը հայտնում է, որ ցնցումների հետևանքով բազմահարկ հյուրանոցներ, ռեստորաններ և բնակելի տներ են ավերվել։
Աղետից տուժել է նաև Պորտովիեխո քաղաքը։ Այստեղ քանդվել են մի քանի սուպերմարկետներ և փլուզվել խոշորագույն Գուայակիլե քաղաքի ավտոճանապարհային կամուրջը։
7.8 մագնիտուդով, օջախի 20 կմ խորությամբ ցնցումները գրանցվել են շաբաթ օրը։ Երկրաշարժի էպիկենտրոնը գտնվում է Մուիսնե բնակելի տարածքից 28 կմ դեպի հարավ-արևելք։
