ԵՐԵՎԱՆ, 15 ապրիլի — Sputnik. ՀՀ ԶՈՒ գլխավոր շտապի պետ Յուրի Խաչատուրովը տեղեկացրեց ՀԱՊԿ գործընկերներին, թե ինչ իրավիճակ է տիրում ղարաբաղա-ադրբեջանական զինված ուժերի շփման գծում։
ՀԱՊԿ ռազմական կոմիտեի ութերորդ նիստն անցկացվեց Երևանում ապրիլի 15-ին։ Նիստին մասնակցում էր նաև ՀԱՊԿ գլխավոր քարտուղար Նիկոլայ Բորդյուժան։
«ՀԱՊԿ-ի տարածաշրջանում ռազմական անվտանգության սպառնալիքի հարցը կրում է համալիր բնույթ։ Այդ հարցն առնչվում է քաղաքական, տնտեսական, տեղեկատվական և այլ կարևոր ոլորտների հետ: Դրանից ելնելով` անհրաժեշտություն կա աջակցելու և կատարելագործելու հավաքական անվտանգության երկրներում կայունության ապահովման մեխանիզմները: Եկել ենք համաձայնության կատարելագործելու Միացյալ շտաբի գործունեությունը, հստակեցրել ենք շտաբի խնդիրները, գործառույթները և այլ հարցրեր: Նախանշել ենք նաև մեր հետագա աշխատանքի ուղղությունները»,- ասաց Յուրի Խաչատուրովը:
Ռազմական կոմիտեի հերթական նիստը կանցկացվի Հայաստանում 2016 թվականի երկրորդ կեսին։
Այսօրվա նիստին մասնակցելու համար Երևան էին ժամանել Բելառուսի, Ղազախստանի, Ղրղըզստանի, Ռուսաստանի, Տաջիկստանի ԶՈՒ գլխավոր շտաբերի պատվիրակությունները, ինչպես նաև ՀԱՊԿ գլխավոր քարտուղարն ու Միացյալ շտապի պետը։
