ԵՐԵՎԱՆ, 15 ապրիլի- Sputnik. Sputnik գործակալության գլխավոր խմբագիր Մարգարիտա Սիմոնյանը կարծում է, որ Թուրքիայում կայքն արգելափակելու որոշումը գրաքննության դրսևորում է և ցույց է տալիս, որ երկրում բացակայում է խոսքի ազատությունը։
«Մեր Sputnik-ն արգելափակելու որոշումը երկրում կոշտ գրաքննության հերթական դրսևորումն է, որտեղ խոսքի ազատության հարցն այլևս չի քննարկվում։ Այն պարզապես։ Այդ որոշումը հատկապես անհեթեթ է, եթե հաշվի առնենք այն, որ ընդամենը մի քանի օր առաջ Sputnik-ը Թուրքիայի լրագրողների միության պարգևի է արժանացել»,- հայտարարել է Սիմոնյանը։
Թուրքիայում Sputnik գործակալության կայքն արգելափակվել է ապրիլի 14-ին։ Sputnik Թուրքիայի գլխավոր խմբագիր Թուրալ Քերիմովի խոսքով` ուրբաթ օրը Թուրքիայի հեռահաղորդակցությունների կապի վարչությունը (TIB) հաստատել է կայքի արգելափակումը, սակայն ոչ մի բացատրություն չի ներկայացրել։ Քերիմովն ասել է, որ ներկա պահին ներկայացուցչությունը պաշտոնական հարցում է ուղարկել` ավելի մանրամասն տեղեկատվություն ստանալու համար։ TIB-ում ՌԻԱ Նովոստիին հայտնել են, որ Sputnik կայքի արգելափակումը ժամանակավոր է, վերջնական որոշումը կընդունի դատարանը։
