ԵՐԵՎԱՆ, 14 ապրիլի — Sputnik. Երևանում ապրիլի 15-ին կկայանա ՀԱՊԿ-ի Ռազմական կոմիտեի հերթական` ութերորդ նիստը, հայտնում է ՀՀ պաշտպանության նախարարության մամուլի ծառայությունը։
Նիստին մասնակցելու նպատակով ապրիլի 14-ին Երևան են ժամանել կազմակերպության անդամ պետությունների` Բելառուսի, Ղազախստանի, Ղրղզստանի, Ռուսաստանի, Տաջիկստանի զինված ուժերի գլխավոր շտաբերի պատվիրակությունները, ինչպես նաև ՀԱՊԿ-ի գլխավոր քարտուղարը և Միացյալ շտաբի պետը:
