ԵՐԵՎԱՆ, 14 ապրիլի — Sputnik. Հայաստանի Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը 2 տարով միաձայն ընտրվեց ԱՊՀ հակամենաշնորհային քաղաքականության միջպետական խորհրդի ղեկավար, հայտնում է ԵՏՀ մամուլի ծառայությունը։
Վերջին տասը տարիների ընթացքում միջպետական խորհուրդը գլխավորում էր Ռուսաստանի ԴՀԾ ղեկավար Իգոր Արտեմևը, ով իր իրավասությունները հանձնել է և առաջարկել իր տեղակալ Շաբոյանի թեկնածությունը։
Շաբոյանն իր կողմից շնորհակալություն հայտնեց բոլոր գործընկերներին վստահության համար և խոստացավ անել ամեն ինչ` արդարացնելու համար իր հետ կապված հույսերը։
ԵՏՀ ներկայացուցիչները հինգշաբթի մասնակցեցին հակամենաշնորհային քաղաքականության միջպետական խորհրդի աշխատանքներին։
