ԵՐԵՎԱՆ, 14 ապրիլի — Sputnik. «Բաց խաղ» առաջնության կազմակերպիչները նպատակ ունեն Հայաստանում նույնպես զարգացնել խաղային ինդուստրիայի ոլորտը, ստեղծել նոր բիզնես միջավայր և բարձրակարգ մասնագետներ, առաջնության կազմակերպիչ Ինֆորմացիոն տեխնոլոգիաների ձեռնարկությունների միությունից։
«Ամենամյա այս մրցույթի շնորհիվ մենք բացահայտում և խրախուսում ենք տեխնոլոգիական ոլորտում ներուժ ունեցող երիտասարդներին, նպաստում նրանց հմտությունների զարգացմանը: Մրցույթի մասնակիցները, բացի այն, որ խաղերի ստեղծման մեծ գիտակ են դառնում, նաև ապագայում կարող են հանդիսանալ որպես ռազմաարդյունաբերական համալիրի մասնագետներ»,- նշեց ԻՏՁՄ գործադիր տնօրեն Կարեն Վարդանյանը:
«Բաց խաղ» համակարգչային և բջջային խաղերի նախագծման առաջնությունն անցկացվում է 3 փուլով, որոնց ընթացքում մասնակիցները ներկայացնում են իրենց ստեղծված համակարգչային և բջջային խաղերը, ապա փուլ առ փուլ պրոֆեսիոնալ ժյուրիի օգնությամբ զարգացնում դրանք: Ժյուրիի կազմում ընդգրկված են խաղերի ստեղծման ոլորտի հայաստանյան առաջատար ընկերությունների ղեկավարներ:
Առաջնության մրցանակային ֆոնդը կազմում է 2 մլն դրամ: Կլինեն նաև խրախուսական այլ մրցանակներ, այդ թվում՝ տեխնիկա:
