ՌԴ նախագահ Վլադիմիր Պուտինն ուղիղ կապի ժամանակ պատասխանել է 12 տարեկան Վարյայի հարցին:
«Անցած տարի դուք ասել էիք, որ կփրկեք խեղդվող Օբամային։ Եթե հիմա խեղդվելիս լինեին Պորոշենկոն ու Էրդողանը, ո՞ւմ կփրկեիք առաջինը» հարցին Վլադիմիր Պուտինը նախ ասաց, որ հարցն իրեն դժվար դրության մեջ դրեց, այնուհետև պատասխանեց.
«Եթե ինչ-որ մեկը որոշել է խեղդվել, նրան այլևս հնարավոր չէ փրկել։ Բայց մենք, իհարկե, պատրաստ ենք օգնության և բարեկամության ձեռք մեկնել մեր գործընկերներից յուրաքանչյուրին, եթե ինքը ցանկանա դա»։
