ԵՐԵՎԱՆ, 14 ապրիլի — Sputnik. ԱՄՆ-ի ֆուտբոլի կանանց ազգային հավաքականը հնարավոր է` բոյկոտի Ռիո Դե Ժանեյրոյում անցկացվելիք 2016թ.-ի Օլիմպիական խաղերը, եթե չկատարվի կանանց ազգային հավաքականի և տղամարդկանց ագային հավաքականների աշխատավարձերը հավասարեցնելու ֆուտբոլիստուհիների պահանջը: Այս մասին հայտնում է rsport.ru-ն։
Ավելի վաղ ԱՄՆ կանանց ազգային հավաքականի խաղացողներից 5-ը` Կարլի Լոյդը, Մեգան Ռապինոն, Ռեբեկա Սաուերբրանը, Հոուպ Սոլոն և Ալեքս Մորգանը, զբաղվածության ոլորտում հավասար հնարավորությւոնների խորհրդին բողոք էին ներկայացրել ԱՄՆ Ֆոտբոլի ֆեդերացիայի դեմ` նշելով կանանց և տղամարդկանց ազգային հավաքականների վարձատրության տարբերությունը:
Կանանց ազգային հավաքականը, 2015թ.-ին չեմպիոն դառնալով հանդերձ, ֆեդերացիայից ստացել է 2մլն դոլար, այն դեպքում, երբ տղամարդկանց ազգային հավաքականը, 2014թ.-ի աշխարհի առաջնության 1/8 եզրափակչից դուրս մնալով, ստացել է 9մլն դոլար:
«Մենք բոյկոտելու ենք Օլիմպիադան: Եթե ոչինչ չփոխվի, եթե իրական առաջընթաց չտեսնենք, ապա շատ լուրջ խոսակցություն ենք ունենալու այդ մասին»,- Սաուերբրանի խոսքն է մեջբերում ESPN-ը:
Նշենք, որ ԱՄՆ-ի ֆուտբոլի կանանց ազգային հավաքականը աշխարհի եռակի և Օլիմպիադայի քառակի չեմպիոն է:
