ԵՐԵՎԱՆ, 13 ապրիլի — Sputnik. Վեց մարզիկներից երկուսն արդեն անցկացրել են իրենց մենամարտերը քառորդ եզրափակիչում: Հովհաննես Բաչկովը 64 կգ քաշային կարգում պարտության է մատնել Եվրոպական խաղերի և Եվրոպայի առաջնության արծաթե մեդալակիր, Մեծ Բրիտանիան ներկայացնող Պատ Կորմակին և դուրս եկել կիսաեզրափակիչ: Իսկ ահա Անուշ Գրիգորյանը 52 կգ քաշային կարգում պարտություն է կրել նորվեգուհի Մարիել Հանսենից:
Երեկոյան մրցահերթում իրենց մենամարտերն են անցկացնելու 49 կգ քաշային Արթուր Հովհաննիսյանը, որի մրցակիցն է լինելու Գերմանիան ներկայացնող Չերակիս Խրիստոսը, 69կգ քաշային Վլադիմիր Մարգարյանը կիսաեզրափակիչի ուղեգիրը վիճարկելու է Մեծ Բրիտանիան ներկայացնող Չիրուս Պատինսոնի հետ: 52 կգ քաշային Նարեկ Աբգարյանը ուժերը կչափի իտալացի Վիչենցո Պիցարդիի հետ, իսկ 56 կգ քաշային Արամ Ավագյանը կմրցի Թուրքիան ներկայացնող Իբրահիմ Գոկցեկի հետ:
