ԵՐԵՎԱՆ, 12 ապրիլի- Sputnik. Ռուսաստանի զինված ուժերի Մի-28Ն ուղղաթիռը կործանվել է Սիրիայում, անձնակազմի 2 անդամները զոհվել են։ Այս մասին նշված է ՌԴ պաշտպանության նախարարության մամուլի հաղորդագրությունում։
Դեպքը տեղի է ունեցել երեքշաբթի Երևանի ժամանակով 02։09-ին Սիրիայի Հոմս քաղաքի մոտ։
«Որոնողափրկարարական գործողությունների ժամանակ զոհված օդաչուների մարմինները տարհանվել են և գտնվում են Հմեյմիմ ավիաբազայում։ Աղետի վայրից ստացված զեկույցի համաձայն` ուղղաթիռի վրա արտաքին ազդեցություն չի եղել»,- նշվում է փաստաթղթում։
