ԵՐԵՎԱՆ, 11 ապրիլի- Sputnik. Երևանում ծառերի գարնանային սանիտարական էտի շրջանակներում էտվել է 15 հազար ծառ: Ապրիլի 9-ին կայացած համաքաղաքային ծառատունկի շրջանակում տնկվել է 15000 ծառ և 22000 թուփ, հաղորդում է Երևանի քաղաքապետարանի մամուլի ծառայությունը:
Ծառատունկը կշարունակվի մինչև ապրիլի 20-ը, զուգահեռ կիրականացվեն նաև շաբաթօրյակներ: Մայրաքաղաքի այգիներում և պուրակներում շարունակվում են մաքրման ու բարեկարգման աշխատանքները:
Քաղաքապետ Տարոն Մարգարյանը հանձնարարել է ընթացիկ աշխատանքներին զուգահեռ ոռոգման ցանցը նույնպես նախապատրաստել գործարկման, ինչպես նաև ուշադրության կենտրոնում պահել մաքրվող ու բարեկարգվող տարածքների հետագա խնամքը:
