ԵՐԵՎԱՆ, 10 ապրիլի — Sputnik. «Լռության երթի» մասնակիցները նշել են, որ ցանկանում էին բոլոր զոհվածների հարազատներին իրենց ցավակցությունը հայտնել, բայց քանի որ նրանք տարբեր մարզերում են ապրում, որոշել են բոլոր հոգատար քաղաքացիներով այս երթն անցկացնել` ի հիշատակ նրանց:
Երթին մասնակցում են բազմաթիվ քաղաքացիներ. այն մեկնարկեց աղոթքով:
Երթի մասնակիցները ծաղկեփնջերով և մոմերով շարժվեցին են դեպի «Եռաբլուր» պանթեոն, որտեղ տեղի կունենա մոմավառություն և հոգեհանգստի կարգ:
Ապրիլի 1-ի լույս 2-ի գիշերը ղարաբաղյան հակամարտության գոտում իրավիճակը սրվեց։ Երևանը հաղորդեց ադրբեջանական կողմի նախահարձակ գործողությունների մասին, միաժամանակ Բաքուն հայտարարեց Հայաստանի ԶՈւ կողմից գնդակոծությունների մասին։ Պաշտոնական հայտարարությունների համաձայն` երկու հակամարտող կողմերը կորուստներ ունեն։ Ապրիլի 5-ին կողմերը պայմանավորվեցին ռազմական գործողությունները դադարեցնելու մասին, բայց վերջնական հրադադար չկնքվեց։ Երկու կողմերը հայտարարում են պայմանավորվածությունները խախտելու մասին, ադրբեջանական կողմը շարունակում է կրակել նաև Հայաստանի սահմանամերձ գյուղերի ուղղությամբ։
