ԵՐԵՎԱՆ, 10 ապրիլի — Sputnik. Հայ երիտասարդները Ֆրանսիայի տարբեր քաղաքներում ցույցեր են անցկացրել` ի աջակցություն Լեռնային Ղարաբաղի ժողովրդի, հայտնում են Ֆրանսիայում Հայաստանի դեսպանատնից։
«Բազմամարդ ցույցեր Ֆրանսիայի քաղաքներում՝ ի աջակցություն Լեռնային Ղարաբաղի ժողովրդի և հանուն խաղաղության»,- նշված է գրառման մեջ:
Soutien au peuple du Haut-Karabakh: une forte mobilisation partout en France pour la paixԲազմամարդ ցույցեր Ֆրանսիայի…
Posted by Ambassade d'Arménie en France / ՀՀ դեսպանություն Ֆրանսիայում on Sunday, 10 April 2016
Ապրիլի 1-ի լույս 2-ի գիշերը ղարաբաղյան հակամարտության գոտում իրավիճակը սրվեց։ Երևանը հաղորդեց ադրբեջանական կողմի նախահարձակ գործողությունների մասին, միաժամանակ Բաքուն հայտարարեց Հայաստանի ԶՈւ կողմից գնդակոծությունների մասին։ Պաշտոնական հայտարարությունների համաձայն` երկու հակամարտող կողմերը կորուստներ ունեն։ Ապրիլի 5-ին կողմերը պայմանավորվեցին ռազմական գործողությունները դադարեցնելու մասին, բայց վերջնական հրադադար չկնքվեց։ Երկու կողմերը հայտարարում են պայմանավորվածությունները խախտելու մասին, ադրբեջանական կողմը շարունակում է կրակել նաև Հայաստանի սահմանամերձ գյուղերի ուղղությամբ։
