ԵՐԵՎԱՆ, 9 ապրիլի- Sputnik. Լեռնային Ղարաբաղի հակամարտության կողմերը շփման գծում անցկացնում են մահացածների մարմինների որոնողական աշխատանքներ, հաղորդել է ԼՂՀ ՊՆ մամուլի քարտուղար Սենոր Հասրաթյանը:
Աշխատանքներն անցկացվում են ԵԱՀԿ և Կարմիր խաչի միջազգային կոմիտեի ներկայացուցիչների միջնորդությամբ և կտևեն մինչև տեղի ժամանակով 20:00-ն: Նախատեսվում է իրականցնել շփման գծից մահացած զինծառայողների մարմինները գտնելու և դրանք փոխանակելու գործընթաց:
Առաջին փոխանակությունը տեղի է ունեցել ապրիլի 8-ին:
Ղարաբաղյան կողմը շաբաթ օրն ադրբեջանական կողմին է վերադարձել ութ մահացածների մարմին՝ իր հերթին ստանալով երկու հայ զինծառայողների մարմին:
