ԵՐԵՎԱՆ, 9 ապրիլի- Sputnik. Հռոմի Ֆրանցիսկոս պապը հունիսի 24-26-ին կայցելի Հայաստան, հաղորդում է Հայաստանի նախագահի մամուլի ծառայությունը:
Հռոմի Ֆրանցիսկոս պապը կժամանի Ամենայն Հայոց Գարեգին Բ կաթողիկոսի հրավերով:
Դա կլինի պատմության մեջ Հռոմի կաթոլիկ եկեղեցու ղեկավարի երկրորդ այցը Հայաստան: Հովհաննես Պողոս II-ը Հայաստան էր եկել 2001թ.-ի սեպտեմբերի 25-27-ը՝ երկրում քրիստոնեությունը որպես պետական կրոն հռչակելու 1700-ամյակին նվիրված միջոցառումներին մասնակցելու համար:
