ԵՐԵՎԱՆ, 9 ապրիլի — Sputnik. Ժամեր անց երիտասարդն առանց գիտակցության գալու հիվանդանոցում մահացել է, հայտնում են ՀՀ քննչական կոմիտեի մամուլի ծառայությունից:
Կենտրոն և Նորք-Մարաշ վարչական շրջանների քննչական բաժնում ձեռնարկվում են անհետաձգելի քննչական միջոցառումներ` դեպքի հանգամանքները, առերևույթ հանցագործություն կատարած անձի ինքնությունը պարզելու ուղղությամբ:
Նախնական քննության տվյալներով` Ա.Աբրահամյանին կյանքի համար վտանգավոր մարմնական վնասվածքը պատճառվել է 2016 թվականի ապրիլի 08-ին` ժամը 13.00-ի սահմաններում, ԵՊՀ-ին հարող տարածքում տեղի ունեցած վիճաբանության ժամանակ:
Կատարվել է դեպքի վայրի զննություն, հարցաքննվել բազմաթիվ վկաներ, նշանակվել են դատաբժշկական, դատակենսաբանական, դատահետքաբանական փորձաքննություններ, կատարվել են առգրավումներ:
Քննության արդյունքների մասին տեղեկություն կտրամադրվի լրացուցիչ:
