ԵՐԵՎԱՆ, 8 ապրիլի — Sputnik. Երեկ ժամը 23:00-ի սահմաններում Արցախի երկնքում ՊԲ հակաօդայինների կողմից խոցվել է հակառակորդի հերթական գրոհային անօդաչու թռչող սարքը: Այս մասին հայտնում է ԼՂՀ պաշտպանության նախարարությունը։
Ապրիլի 5-ին կողմերը պայմանավորվել են դադարեցնել ռազմական գործողությունները, բայց վերջնական հրադադար չի հաստատվել։ Երկու կողմերը շարունակում են հայտարարել փոխադարձ պայմանավորվածությունները խախտելու մասին, ադրբեջանական կողմը շարունակում է կրակել նաև Հայաստանի սահմանամերձ գյուղերի ուղղությամբ։
