ԵՐԵՎԱՆ, 8 ապրիլի- Sputnik. Կարմիր խաչի միջազգային կոմիտեի ներկայացուցիչները ժամանել են Լեռնային Ղարաբաղ, շփման գիծ` հակամարտության մասնակիցների մահացածների մարմինները որոնելու համար։
Թալիշը հակամարտության կողմերի միջև դաժան ընդհարումների վայր է դարձել։
Լեռնային Ղարաբաղի Հանրապետության և Ադրբեջանի ԶՈւ շփման գծում ժամը 15։00-20։00-ն կդադարեցվեն բոլոր մարտական գործողությունները` ԿԽՄԿ միջնորդությամբ զոհերի մարմինները որոնելու համար։
Դիտեք Թալիշի դեպքերի վերաբերյալ մեր պատրաստած ֆոտոշարքը։
Ապրիլի 1-ի լույս 2-ի գիշերը ղարաբաղյան հակամարտության գոտում իրավիճակը սրվել է։ Երևանը հաղորդել է ադրբեջանական կողմի նախահարձակ գործողությունների մասին, միաժամանակ Բաքուն հայտարարել է Հայաստանի ԶՈւ կողմից գնդակոծությունների մասին։ Պաշտոնական հայտարարությունների համաձայն` երկու հակամարտող կողմերը կորուստներ ունեն։ Ապրիլի 5-ին կողմերը պայմանավորվել են ռազմական գործողությունները դադարեցնելու մասին, բայց վերջնական հրադադար չի կնքվել։ Երկու կողմերը հայտարարում են փոխադարձ պայմանավորվածությունները խախտելու մասին, ադրբեջանական կողմը շարունակում է կրակել նաև Հայաստանի սահմանամերձ գյուղերի ուղղությամբ։
