ԵՐԵՎԱՆ, 7 ապրիլի-Sputnik. Ղարաբաղի պաշտպանության բանակի օպերատիվ բաժնի պետ, գնդապետ Վիկտոր Առստամյանը հայտարարել է, որ անցած օրվա ընթացքում հրաձգային զենքից կրակը շարունակվել է, և արձանագրվել են բազմաթիվ անօդաչու թռչող սարքեր։ «Այսօր Արցախի երկնքում ոչնչացվել է հակառակորդի հերթական հարվածային անօդաչու թռչող սարքը»,- հայտարարել է Առստամյանը։
Հայաստանի պաշտոնական տվյալներով` դա Ադրբեջանի 4-րդ ԱԹՍ-ն է։ Ռազմական գործողությունների ընթացքում ադրբեջանական կողմը կորցրել է 24 տանկ, 5 միավոր զրահատեխնիկա, 6 հետևակի մարտական մեքենա և 2 ուղղաթիռ։
