ԵՐԵՎԱՆ, 7 ապրիլի- Sputnik. Հայաստանի վարչապետ Հովիկ Աբրահամյանը կարծում է, որ եթե Ադրբեջանը զենք չգներ Ռուսաստանից, ապա կգներ դա ցանկացած այլ երկրից։ Ղարաբաղյան հակամարտության թեժացման հետ կապված` վերջին շրջանում ակտիվացել է Ռուսաստանի կողմից Ադրբեջանին զենք վաճառելու հարցը, այնինչ Ռուսաստանը Հայաստանի ռազմավարական գործընկերն է։
«Ադրբեջանը հնարավորություն ունի և զենք է գնում է Ռուսաստանից։ Եթե Ռուսաստանից չգներ, ապա կգներ Թուրքիայից կամ Իսրայելից»,- ասաց նա։
Ապրիլի 1-ի լույս 2-ի գիշերը ղարաբաղյան հակամարտության գոտում իրավիճակը սրվել է։ Երևանը հաղորդել է ադրբեջանական կողմի նախահարձակ գործողությունների մասին, միաժամանակ Բաքուն հայտարարել է Հայաստանի ԶՈւ կողմից գնդակոծությունների մասին։ Պաշտոնական հայտարարությունների համաձայն` երկու հակամարտող կողմերը կորուստներ ունեն։ Ապրիլի 5-ին կողմերը պայմանավորվել են ռազմական գործողությունները դադարեցնելու մասին, բայց վերջնական հրադադար չի կնքվել։ Երկու կողմերը հայտարարում են փոխադարձ պայմանավորվածությունները խախտելու մասին։
