ԵՐԵՎԱՆ, 7 ապրիլի — Sputnik. Ռուսաստանը նվազեցրել է սահմանին գազի սակագինը 165 դոլարից մինչև 150 դոլար` հազար խորանարդ մետրի դիմաց, լրագրողներին ասաց ՀՀ վարչապետ Հովիկ Աբրահամյանը։։
Նա նշեց, որ ստորագրվել է համապատասխան համաձայնագիր։ Միաժամանակ Աբրահամյանն ասաց, որ սպառողների համար գազի սակագնի նվազեցման հարցը կքննարկվի առաջիկայում։
Հայկական կողմը 2015թ. նոյեմբերին դիմել էր ՌԴ էներգետիկայի նախարարություն` Հայաստան առաքվող գազի գինը նվազեցնելու խնդրանքով։ Մարտի 10-ին կառավարությունը հավանություն է տվել«ՌԴ-ի և ՀՀ-ի կառավարությունների միջև 2013թ.-ի դեկտեմբերի 2-ին բնական գազի գնագոյացման մասին 2013թ.-ի դեկտեմբերի 2-ին համաձայնագրում փոփոխություններ կատարելու մասին», որի համաձայն` 1000 խմ գազի համար 165 դոլար սակագինը կպահպանվի մինչև 2016թ.-ի ապրիլի 1-ը։
Ներկա պահին Ռուսաստանը բնական գազի հիմնական առաքողն է Հայաստան, որը մատակարարվում է Վրաստանի տարածքով:
