ԵՐԵՎԱՆ, 7 ապրիլի- Sputnik. ԳԴՀ ԱԳՆ-ն առաջարկել է յոթ կետից կազմված ծրագիր, որը պետք է նպաստի Լեռնային Ղարաբաղում բռնության պոտենցիալի մեղմացմանը և նախանշի հակամարտության խաղաղ և կայուն լուծման ուղին, լրագրողներին հինգշաբթի հայտարարել է ԳԴՀ ԱԳՆ-ի աղբյուրը։
«Յոթ կետից բաղկացած գերմանական ծրագիրը պետք է օգնի մեղմացնել Լեռնային Ղարաբաղում բռնության սուր պոտենցիալը, ինչպես նաև նախանշել հակամարտության կայուն և խաղաղ լուծման ուղին»,- հայտարարել է դիվանագետը և հավելել, որ «ըստ էության` խոսքը հրադադարի ռեժիմի ամրապնդման և երկխոսության ճանապարհով հակամարտության կարգավորման գործընթացը սկսելու, ինչպես նաև վստահություն ստեղծելու միջոցների մասին է։
Աղբյուրի խոսքով` տարածաշրջանում ներկա ստատուս քվոն ԱԳՆ տեսանկյունից «անկայուն է երկարաժամկետ հեռանկարում»։
«Գերմանիայի ԱԳՆ ղեկավարն այս բարդ իրավիճակում կօգտագործի գործողությունների հարթակ` պայմանավորված ԵԱՀԿ-ում իր նախագահությամբ»,- ասել է դիվանագետը։
