ԵՐԵՎԱՆ, 7 ապրիլի-Sputnik. ՌԴ արտգործնախարար Սերգեյ Լավրովը նշել է, որ Ռուսաստանն ամենից շահագրգռվածն է հնարավորինս շուտ հասնելու ղարաբաղյան հիմնահարցի կարգավորմանը։ Միաժամանակ նշել է, որ զուգահեռ անհրաժեշտ է միջոցներ ձեռնարկել՝ թույլ չտալու բռնության նման բռնկումները:
«Այնքան էլ ճիշտ չէ, երբ ամեն օր շփման գծում դիպուկահարը նայում է մյուս կողմում գտնվող դիպուկահարին։ Նյարդերը կարող են չդիմանալ, պոռթկումներ կարող է լինեն։ Անհրաժեշտ է այս հարցը նկատի ունենալ` ավելացնելով ջանքերը քաղաքական կարգավորման ուղղությամբ»,-ասել է Լավրովը։
Ադրբեջանի արտգործնախարար Էլմար Մամեդյարովն էլ ասել է` միայն միամիտները կարող են պնդել, որ ղարաբաղյան հակամարտության գոտում սրումը կարող է պահպանվել։ Նրա խոսքով` պարբերական բռնկումներն ու փոխհրաձգությունն անխուսափելի է։
