ԵՐԵՎԱՆ, 6 ապրիլի — Sputnik. Վերջին 2 օրում Կենտրոնական զինվորական հոսպիտալ է տեղափոխվել 18 վիրավոր զինծառայող։ Ընդհանուր առմամբ հոսպիտալացվել է 30 վիրավոր։ Նրանցից 5-ի վիճակը գնահատվում է ծայրահեղ ծանր։ Նրանցից 4-ը ժամկետային զինծառայող են, 1-ը` երկրապահ կամավորական։ Վերջինը ԵԿՄ անդամ է, վիրավորվել է Մատաղիսում։
«Բոլոր աշխատանքներն ամբողջ ծավալով կազմակերպված են, դուրս գրվողներ առայժմ չեն եղել, մահվան դեպքեր էլ չեն գրանցվել: Ծայրահեղ ծանր վիճակում գտնվողները տարբեր տեսակի վնասվածք ունեն, հիմնականում հրազենային բեկորային վերջույթների, որովայնի և գլխի հատվածում: Արյան և սննդի կարիք չկա: Դրանից բացի, հոսիպիտալն ունի իր մասնագետները և համագործակցում է առողջապահության համակարգի բոլոր առաջատար մասնագետների հետ, խորհրդակցություններ են կազմակերպվում»,-ասել է Արամ Ասատուրյանը։
