ԵՐԵՎԱՆ, 5 ապրիլի — Sputnik. Շփման գծում ոչ ինտենսիվ կրակոցներ գրանցվում են, սակայն հայկական կողմը դրանց չի պատասխանում, Ստեփանակերտում գտնվող Sputnik Արմենիա գործակալության թղթակիցն հայտնել է ԼՂՀ կառավարության աղբյուրը։
Նա հայտնել է, որ միայն կրակոցներ են լսվում, ծանր տեխնիկա չի օգտագործվում։
Այժմ ընթացքի մեջ է հրադադարի մասին պայմանագրի մշակման գործընթացը։
Ապրիլի 1-ի լույս 2-ի գիշերը ղարաբաղա-ադրբեջանական հակամարտ զորքերի շփման գծի ողջ երկայնքով Ադրբեջանի կողմից սանձազերծված ագրեսիվ գործողություններն ուղղված էին ոչ միայն զորամասերի, այլև խաղաղ բնակիչների դեմ։
