ԵՐԵՎԱՆ, 5 ապրիլի- Sputnik. ՌԴ նախագահ Վլադիմիր Պուտինը, Հայաստանի նախագահ Սերժ Սարգսյանը և Ադրբեջանի նախագահ Իլհամ Ալիևը հեռախոսային բանակցությունների ընթացքում պայմանավորվել են շարունակել շփումները տարբեր ձևաչափերում, հաղորդում է Կրեմլի մամուլի ծառայությունը։
«Նշվում է, որ Ռուսաստանն իրականացնում է և կիրականացնի իրադրության կարգավորմանն ուղղված անհրաժեշտ միջնորդական ջանքեր։ Ընդգծվել է նաև ԵԱՀԿ Մինսկի խմբի աջակցությամբ Երևանի և Բաքվի միջև բանակցային գործընթացի վերականգնման անհրաժեշտությունը` ղարաբաղյան խնդրի կարգավորման խաղաղ ուղիների որոնման նպատակով»,- ասվում է հաղորդագրությունում։
Երեք երկրների ղեկավարները պայմանավորվել են շարունակել կապերը տարբեր ձևաչափերում։
Ապրիլի 5-ին` տեղական ժամանակով ժամը 12։00-ին ղարաբաղյան հակամարտության շփման գծում երկու կողմերից կրակոցները դադարել են։
Ապրիլի 1-ի լույս 2-ի գիշերը ղարաբաղա-ադրբեջանական հակամարտ զորքերի շփման գծի ողջ երկայնքով Ադրբեջանի կողմից սանձազերծված ագրեսիվ գործողություններն ուղղված էին ոչ միայն զորամասերի, այլև խաղաղ բնակիչների դեմ։
