ԵՐԵՎԱՆ, 4 ապրիլի — Sputnik. Հաշվի առնելով ղարաբաղա-ադրբեջանական հակամարտ զորքերի շփման գծի ողջ երկայնքով արդեն երեք օր շարունակվող թեժ մարտերի հանդեպ տեղական և միջազգային հանրության հետաքրքրությունը՝ ԼՂՀ պաշտպանության նախարարության նախաձեռնությամբ ստեղծվել է օպերատիվ իրազեկման կենտրոն, հաղորդում է ԼՂՀ ՊԲ մամուլի ծառայությունը:
Իրազեկման կենտրոնը պարբերաբար ներկայացնելու է առաջնագծում տեղ գտնող զարգացումների մասին կանոնավոր և օբյեկտիվ տեղեկատվություն:
Օպերատիվ իրազեկման կենտրոնն ամեն օր` ժամը 19:00-ին հանդես է գալու առաջնագծում տիրող իրադրության վերաբերյալ թարմ տեղեկատվությամբ, հրավիրվելու են նաև մամուլի ասուլիսներ:
