ԵՐԵՎԱՆ, 4 ապրիլի — Sputnik. Լրագրողների հետ հանդիպմանը պատասխանելով հարցին, թե կարելի՞ է արդյոք Ադրբեջանի կողմից սանձազերծված մարտական գործողությունները պատերազմ համարել, ԼՂՀ պաշտպանության բանակի օպերատիվ բաժնի պետ, գնդապետ Վիկտոր Առուստամյանը պատասխանել է.
«Ռազմական արվեստի տեսակետից երբ օգտագործվում են տարբեր տեսակի ռազմական տեխնիկա և տարբեր զորատեսակներ, ինչպես նաև ձեռնարկվում են ակտիվ հարձակվողական գործողություններ` ռազմաօդային ուժերի մասնակցությամբ, դա արդեն իսկ միանշանակ համարվում է պատերազմ»:
