ԵՐԵՎԱՆ, 4 ապրիլի — Sputnik. Սենոր Հասրաթյանը հայտնեց, որ արդեն չորրորդ օրը շարունակվող ռազմական գործողությունների հետևանքով հայկական կողմը 20 զոհ և 72 վիրավոր ունի, 26 զինծառայող համարվում է անհայտ կորած:
Հայկական զինուժը կորցրել է 7 տանկ:
Սենոր Հասրաթյանի խոսքով` Ադրբեջանի առաջխաղացումը չի գերազանցել 300 մետրը, հայկական կողմը մարտական գործողությունների հետևանքով կորցրել է 2 մարտական դիրք՝ հարավային ուղղությամբ և 3-ը՝ հյուսիսային:
Ինչ վերաբերում է ադրբեջանական կողմի կորուստներին, Սենոր Հասրաթյանը հայտնեց, որ Ադրբեջանի բանակը, հայկական կողմի գնահատականներով, շուրջ 300 զոհ ունի:
Ըստ Հասրաթյանի` հակառակորդը կորցրել է նաև 18 տանկ, 2 ուղղաթիռ, 6 հետևակի մարտական մեքենա, այլ զինտեխնիկա:
