ԵՐԵՎԱՆ, 4 ապրիլի — Sputnik. Գոհար Սարգսյան. Շփման գծում ռազմական գործողություններն անտարբեր չեն թողել հայ հոգևորականներին։ Լեռնային Ղարաբաղում ծառայող բոլոր հոգևորականները սահմանի թեժ կետեր են մեկնել։ Շատ հոգևորականներ էլ Հայաստանում սպասում են անհրաժեշտության դեպքում սահման մեկնելուն:
Qahana.am–ի ֆեյսբուքյան էջում հրապարակվել են այն հոգևորականների անունները, որոնք այս պահին առաջնագծում են և որոնց լուսանկարները հայտնվել են լրահոսում։ Նրանց շարքում են` Տեր Զարեհ քահանա Աշուրյանը և Տեր Ղևոնդ աբեղա Սաղաթելյանը։
Հոգևորականները զենքը ձեռքն են վերցրել ու միաժամանակ զինվորներին հորդորում են երբևէ չկորցնել քաջությունն ու պայքարել հանուն արդարության։
Սուրբ Գիրքն ասում է. «Պայքարի՛ր հանուն ճշմարտության, և Տեր Աստված կպայքարի քեզ հետ» (Սիրաք 4.33): Եթե Աստված մեզ հետ է, ումի՞ց կարող ենք վախենալ»:
Պատմությունն է վկայում, որ հոգևորականը միշտ էլ զինվորներին ոգևորել ու աջակից է եղել մարտի դաշտում։
