ԵՐԵՎԱՆ, 4 ապրիլի-Sputnik. Դավիթ Բաբայանի խոսքով` լուրջ հիմքեր կան եզրակացություն անելու, որ Ադրբեջանը առաջնագիծ է դուրս բերել ահաբեկիչների, որոնք հետախուզվում են տարբեր երկրների կողմից։
«Որոշ երևույթներ ցույց են տալիս, որ նման պահվածք սովորաբար ցուցաբերում են հենց այդպիսի ահաբեկչական կազմակերպությունների ներկայացուցիչներ»,-ասաց Բաբայանը։
Բաբայանը հայտնեց, որ իրենք համապատասխան քայլեր են ակնկալում միջազգային կառույցների կողմից։ ԼՂՀ նախագահի մամուլի խոսնակը հայտնեց նաև, որ հակառակորդը փորձ է կատարել մի քանի հատվածներում նորից առաջ գալ, հակառակորդը տվել է բազմաթիվ կորուստներ, այդ թվում` 3 տանկ, կենդանի ուժի մեծ կորուստներ։
Նա հաստատեց նաև այն տեղեկությունները, որ Բակո Սահակյանը հանդիպել է Հայաստանից ժամանած երկրապահ կամավորականների հետ ու ընդգծել, որ նրանք միշտ էլ եղել են իրենց թիկունքին։
