ԵՐԵՎԱՆ, 2 ապրիլի — Sputnik. Եվրոպայի խորհրդի գլխավոր քարտուղար Թյուբորն Յագլանդը կողմերին կոչ է անում դադարեցնել արյունահեղությունը Լեռնային Ղարաբաղում և վերսկսել բանակցությունները, ասված է գլխավոր քարտուղարի տարածած հաղորդագրության մեջ:
«Ես տագնապած և խորապես մտահոգված եմ Լեռնային Ղարաբաղի հակամարտության գոտում ռազմական գործողությունների սրացմամբ»,- ասել է նա:
«Եվրոպայի խորհուրդը երկու կողմերին կոչ է անում դադարեցնել այդ ոչ անհրաժեշտ արյունահեղությունը, որը կհանգեցնի միայն հետագա բռնությունների ու մարդկանց, այդ թվում` քաղաքացիական անձանց զոհվելուն»,- ընդգծել է Յագլանդը:
Նա հակամարտության կողմերին կոչ է արել «պաշտպանել կյանքի իրավունքը, որը երաշխավորված է մարդու իրավունքների պաշտպանության եվրոպական կոնվենցիայով, և վերադառնալ հրադադարի պահպանմանն ու վերսկսել խաղաղ բանակցությունները»:
