ԵՐԵՎԱՆ, 2 ապրիլի-Sputnik. Ստեփանակերտից Երևանի «Մուրացան» զինվորական հոսպիտալ է տեղափոխվել ևս 3 զինծառայող։
Հոսպիտալից մեզ հայտնեցին, որ կեսօրից հետո Հայաստան տեղափոխված երեք զինծառայողներից երկուսի վիրահատությունն արդեն ավարտվել է։ Վիրահատարան են տարել ևս մեկ զինվորի։ Հոսպիտալի բակում մեզ հաջողվել էր զրուցել վիրավոր զինծառայողներից մեկի հորաքրոջ հետ, ով եկել էր տեղեկանալու զինվորի առողջության մասին և հնարավորության դեպքում տեսակցելու նրան։
Զինվորի ծնողները Մեղրիում են։ Նրան Երևան են տեղափոխել Ստեփանակերտի Հանրապետական հիվանդանոցից։ Մեր տեղեկություններով` վիրավոր զինծառայողների գիտակցությունը տեղն է եղել։ Թե ինչ են նրանք խոսել, հոսպիտալում նախընտրեցին լռել։
