ԵՐԵՎԱՆ, 2 ապրիլի — Sputnik. ԵԱՀԿ գլխավոր քարտուղար Լամբերտո Զանյերը ղարաբաղյան հակամարտության կողմերին կոչ է արել բանակցությունների սեղանի շուրջ վերադառնալ։
«Լեռնային Ղարաբաղում տիրող իրավիճակը մտահոգիչ է։ Կողմերը պետք է դադարեցնեն ռազմական գործողությունները և վերադառնան բանակցությունների սեղանի շուրջ», — գրված է Զանյերի` Twitter-ում հրապարակած հաղորդագրության մեջ։
Ապրիլի 1-ի լույս 2-ի գիշերը և առավոտյան հակառակորդը ղարաբաղա-ադրբեջանական հակամարտ զորքերի շփման գծի ողջ երկայնքով ձեռնարկել է լայնածավալ նախահարձակ գործողություններ, որոնց ընթացքում հրթիռահրետանային արկակոծման են ենթարկվել ոչ միայն հայկական զինուժի պաշտպանական դիրքերը, այլև` խաղաղ բնակավայրերը։
