ԵՐԵՎԱՆ, 2 ապրիլի — Sputnik. Քննարկելու համար Ադրբեջանի սանձազերծած ռազմական գործողությունները Էդվարդ Նալբանդյանը հեռախոսազրույց է ունեցել ԵԱՀԿ գործող նախագահ, Գերմանիայի արտգործնախարար Ֆրանկ Վալտեր Շտայնմայերի հետ, այս մասին Twitter-ի իր էջում գրել է արտգործնախարարի մամուլի քարտուղար Տիգրան Բալայանը։
Քննարկելու համար Ադրբեջանի սանձազերծած ռազմական գործող8նները Նալբանդյանը հեռախոսազրույց է ունեցել ԵԱՀԿ գործող նախ, Գերմ. ԱԳՆ Շտայնմայերի հետ
— Tigran Balayan (@tbalayan) 2 апреля 2016 г.
ԵԱՀԿ գործող նախագահ, Գերմանիայի արտգործնախարար Ֆրանկ Վալտեր Շտայնմայերն ավելի վաղ անհանգստություն էր հայտնել ղարաբաղա-ադրբեջանական շփման գծում սրված իրավիճակի վերաբերյալ։
«Ես խորապես մտահոգված եմ Լեռնային Ղարաբաղի հակամարտության գոտում ռազմական գործողությունների թեժացման և քաղաքացիական բնակչության շրջանում մարդկային կորուստների պատճառով: Ես կողմերին հորդորում եմ անհապաղ դադարեցնել ռազմական գործողությունները և հարգել հրադադարի պահպանման ռեժիմը»,- ասել է Շտայնմայերը՝ ընդգծելով, որ խաղաղ բանակցություններն այլընտրանք չունեն:
