ԵՐԵՎԱՆ, 2 ապրիլի — Sputnik. «Մուրացան» կլինիկական հոսպիտալ է տեղափոխվել երեք վիրավոր, երեքն էլ` Ստեփանակերտի հանրապետական հիվանդանոցից,-ասաց Արամ Ասատուրյանը։
«Երկուսին այս պահին վիրահատում են, մեկը վերակենդանացման բաժանմունքում է։ Վիճակը գնահատվում է կայուն ծանր։ Նրանք ունեն կրծքավանդակի, որովայնի, ստորին վերջույթների վնասվածքներ»,- ասաց հոսպիտալի պետը` նպատակահարմար չհամարելով նշել վիրավորների անունները։
Ապրիլի 1-ի լույս 2-ի գիշերը և առավոտյան Ադրբեջանը ղարաբաղա-ադրբեջանական հակամարտ զորքերի շփման գծի ողջ երկայնքով լայնածավալ գործողություններ է ձեռնարկել։ Զոհվածների և վիրավորների վերաբերյալ հստակ տեղեկություն առայժմ չկա։
