ԵՐԵՎԱՆ, 2 ապրիլի — Sputnik. Ռուսաստանի նախագահ Վլադիմիր Պուտինին խորապես մտահոգել է Լեռնային Ղարաբաղի շփման գծում ռազմական գործողությունների վերսկսման վերաբերյալ տեղեկությունը, լրագրողներին է ասել ՌԴ նախագահի մամուլի քարտուղար Դմիտրի Պեսկովը։
«Նախագահ Պուտինը հակամարտության կողմերին կոչ է անում անմիջապես դադարեցնել ռազմական գործողությունները և զսպվածություն դրսևորել, որպեսզի նոր զոհեր չլինեն», — ընդգծել է Պեսկովը։
Նրա խոսքով` ռուսական առաջնորդը «ցավում է, որ իրավիճակը կրկին զինված հակամարտության է հասել»։
«Վերջին ժամանակաշրջանում երեք երկրի (Ռուսաստան, Հայաստան, Ադրբեջան), այնպես էլ միջազգային ջանքերի միջոցով (Լեռնային Ղարաբաղի, Ռուսաստանի, Ֆրանսիայի և ԱՄՆ հարցերով ԵԱՀԿ ՄԽ) մի շարք ակտիվ գործողություններ են իրականացվել, որոնք կարող էին հակամարտության խաղաղ կարգավորման հանգեցնել», — նշել է Պեսկովը։
Ապրիլի 2-ին Հայաստանն ու Ադրբեջանը հայտարարել են, որ իրավիճակը սրվել է Լեռնային Ղարաբաղի շփման գծում. Ադրբեջանի ՊՆ-ն հայտնել է, որ կրակոցները սկսել է Հայաստանի ԶՈՒ-ն, իսկ Հայաստանի ՊՆ-ն հայտնում է, որ Ադրբեջանն է ակտիվ հարձակողական գործողություններ ձեռնարկել։
