ԵՐԵՎԱՆ, 1 ապրիլի — Sputnik. Սանկտ Պետերբուրգում մայրը փորձել է իր յոթ ամսական որդուն վաճառել 800 հազար ռուբլով։ Կնոջը կալանավորել են մարտի 31-ին Պետերբուրգի սրճարաններից մեկում, հայտնում է Վեստին։
Պարզվել է, որ 34 տարեկան Գավհար Աբդունազարովան Ուզբեկստանի քաղաքացի է։
«Մարտի 31-ի երեկոյան կասկածյալը օպերատիվ հետախուզական միջոցառմանը մասնակցող անձից ստացել է 800 հազար ռուբլի` 2015 թվականի հոկտեմբերին ծնված որդու դիմաց»,- հայտնել են Սանկտ Պետերբուրգի քննչական կոմիտեից։
Երեխային տեղափոխել են հիվանդանոց, իսկ մոր նկատմամբ քրեական գործ են հարուցել։
