80-անց կանայք մասնակցել են թեթև աթլետիկայի Եվրոպայի առաջնությանը։ Դիտեք, թե ինչպես են տատիկները հաղթահարում 800 մետրանոց հեռավորությունը
Իտալիայում անցկացված վետերանների մրցույթում կանայք ապացուցել են, որ տարիքը խոչընդոտ չէ մարզիկների համար։
Գերմանացի աթլետ Մելիտա Չերվինսկա-Նագելը 86 տարեկան է։ Նա ընդամենը երկու րոպեով է զիջել բրիտանացի 80-ամյա Էն Մարտինին և հեռավորությունն անցել 4 րոպե 26 վայրկյանում։
«Կյանքի որակը բարելավվում է, եթե դուք որևէ բանով եք զբաղվում, ստիպված եք լինում շարժվել, ընդ որում` արագ շարժվել», — ասել է Չերվինսկա-Նագելը։
Այս առաջնության մրցումներին մասնակցում են 35 տարեկանից բարձր մարդիկ։ Մրցումներն անցկացնում է Թեթև աթլետիկայի վետերանների եվրոպական ասոցիացիան։
