ԵՐԵՎԱՆ, 1 ապրիլի — Sputnik. Ըստ «Իրազեկ քաղաքացիների միավորում» ՀԿ նախագահ Դ. Իոննիսյանի` Կարեն Վարդանյանի սպանության մոտիվը եղել է կատարված խարդախության կոծկումը: Այսպես` Վարդանյանը 300 հազար դրամի պարտք է ունեցել, և այն չվճարելու պատճառով ԴԱՀԿ ծառայությունը պետք է կալանքի տակ առներ նրան պատկանող բնակարանը: Հարևանը՝ 23-ամյա Գևորգ Զոհրաբյանը, Կարենի վստահությունը շահելով, համոզել է բնակարանն իր անունով գրանցել, որպեսզի Գևորգը վաճառի բնակարանն ու գումարն իրեն փոխանցի: Բնակարանը Գևորգին նվիրատվություն անելուց հետո Գևորգն այն վաճառել է:
Այն հարցին, թե ինչ գնով է վաճառվել Կարենի բնակարանը, Դանիել Իոննիսյանը պատասխանեց.
«Եթե չեմ սխալվում 30 հազար դոլարով է ծախել: Չգիտեմ, ինձ հենց այդ Գևորգն է ասել, թե որքանով է մարդասպանը ճիշտ ասել, չգիտեմ»:
Իոննիսյանի պատկերացմամբ` տաքսիստ Արթուր Միհրանյանին, ով, ըստ նախնական տեղեկության, մասնակից է սպանությանը, Գևորգը ճանաչել է: Գևորգն ընտանիք ունի, մոր և եղբոր հետ Դանիելը տեսել է: Հետաքրքիր է նաև 300 հազար դրամի պարտքի դրվագը:
«Պատկերացրեք, թե որքան միամիտ և վստահության մեջ մտնող մարդ էր Կարենը»,- ասաց Դանիել Իոննիսյանը:
Ամբողջական հոդվածը կարելի է կարդալ iravaban.net կայքում։