ԵՐԵՎԱՆ, 30 մարտի — Sputnik. ԱՄՆ Հավայի նահանգը ճանաչել է Լեռնային Ղարաբաղի Հանրապետության անկախությունը, հայտնում է ԱՄՆ Հայ դատի հանձնախումբը:
Հավայի նահանգի ներկայացուցիչների պալատը ԼՂՀ անկախությունը ճանաչել է մարտի 29-ին: Նրանք հորդորել են միջազգային հանրությանը ԼՂՀ-ն ճանաչել որպես ազատ, անկախ պետություն:
«Լեռնային Ղարաբաղի բնակիչները համառություն և տոկունություն ցուցաբերեցին` հայտնվելով պատերազմին, զանգվածային սպանություններին, տնտեսական զրկանքներին և այլ դժվարություններին դեմ-հանդիման», — ասված է հռչակագրում։
Հավային դարձավ ԼՂՀ անկախությունը ճանաչած ԱՄՆ յոթերորդ նահանգը, մարտի սկզբին ԼՂՀ անկախությունը ճանաչել էր Ջորջիա նահանգը։
